- Дугаар
- 26/46
- Огноо
- Төрөл
- Хурлын тогтоолууд
НИЙСЛЭЛИЙН
ИРГЭДИЙН ТӨЛӨӨЛӨГЧДИЙН ХУРЛЫН
ТОГТООЛ
2026 оны 05 сарын 20 Дугаар 26/46 Улаанбаатар хот
Хэсэгчилсэн ерөнхий төлөвлөгөө
батлах тухай
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 24 дүгээр зүйлийн 24.1.19 дэх заалт, 35 дугаар зүйлийн 35.1.13 дахь заалт, 48 дугаар зүйлийн 48.1, 48.2 дахь хэсэг, Хот байгуулалтын тухай хуулийн 8 дугаар зүйлийн 8.1.1 дэх заалт, Монгол Улсын Их Хурлын 2013 оны 23 дугаар тогтоол, Нийслэлийн иргэдийн Төлөөлөгчдийн Хурлын 2024 оны 24/08 дугаар тогтоолоор батлагдсан “Нийслэлийн Засаг дарга бөгөөд Улаанбаатар хотын Захирагчийн 2024-2028 оны үйл ажиллагааны хөтөлбөр”-ийн 4 дүгээр бүлгийн 4.5 дахь хэсэг, 2025 оны “Нийслэлийн хөгжлийн 2026 оны төлөвлөгөө батлах тухай” 25/112 дугаар тогтоолыг тус тус үндэслэн Нийслэлийн иргэдийн Төлөөлөгчдийн Хурлаас ТОГТООХ нь:
1.Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн бодлогын баримт бичиг, нийслэл Улаанбаатар хотод хэрэгжиж буй төсөл хөтөлбөрүүдтэй уялдуулан Баянзүрх дүүргийн 23, 28 дугаар хорооны нутаг дэвсгэр дэх “Олон Улсын эко цэцэрлэгт хүрээлэн”-ийн хэсэгчилсэн ерөнхий төлөвлөгөөг (300.0 га) хавсралтаар баталсугай.
2.Хэсэгчилсэн ерөнхий төлөвлөгөөний хэрэгжилтийг зохион байгуулж ажиллахыг Нийслэлийн Засаг дарга бөгөөд Улаанбаатар хотын Захирагчид үүрэг болгосугай.
3.Тогтоолын хэрэгжилтэд хяналт тавьж ажиллахыг Хурлын Бүсчилсэн хөгжлийн хороо (Л.Ариунтуяа)-нд даалгасугай.
ДАРГА Д.ИХБАЯР